Шалқар Рысханов: «Бүгінгі Алтай-Тарбағатай күйшілік мектебі»

2020 ж. 2 маусым күні Шығыс Қазақстан облыстық Байжігіт атындағы қазақ халық аспаптары оркестрінің бас дирижері, әрі көркемдік жетекшісі Шалқар Рысхановпен «Бүгінгі Алтай-Тарбағатай күйшілік мектебі» тақырыбында Инстаграм желісі @barshin_abilgazinova парақшасында тікелей эфирде сұхбат жүргізді.

ХХІ ғасыр балалары – жазушы көзімен

2020 жыл 29 мамыр сағ. 15.00-де, яғни Халықаралық балаларды қорғау күні қарсаңында А. С. Пушкин атындағы Шығыс Қазақстан облыстық кітапханасы заманауи ресейлік балалар жазушысы Нина Дашевскаямен, оның Facebook-тегі парақшасында кездесу өткізеді. Крапивин сыйлығының лауреаты, «Заманауи балалар әдебиеті», «Книгуру» әдеби конкурстарының жеңімпазы Нина Сергеевна 1979 жылы 23 мамырда Тверь қаласында дүниеге келген. Чайковский атындағы Мәскеу консерваториясын тәмамдап, Ресейдің камералық оркестрі мен Наталья Сац атындағы балалар музыкалық театрының оркестрінде жұмыс істеген.

31 мамыр – саяси қуғын-сүргін құрбандарын еске алу күні

ҚР Президентінің 1997 жылғы 5 сәуірдегі № 3443 жарлығына сәйкес 31 мамыр елімізде жыл сайын Саяси қуғын-сүргін құрбандарын еске алу күні ретінде аталып келеді. Бұл күні жазықсыз жапа шегіп, атылған, лагерьге қамалған, күдікті ретінде жала жабылып, зәбір шеккен адамдар еске алынады. Сіздердің назарларыңызға біздің кітапхана сол саяси қуғын-сүргін жылдарына арналған «31 мамыр – саяси қуғын-сүргін құрбандарын еске алу күні» әдебиеттердің тақырыптық көрмесін ұсынады.

«Құрметпен есте сақтаймыз!» атты Жеңістің 75 жылдығына орай балалар мен жасөспірімдер арасында өткен облыстық сайыстың қорытындысы

2020 жылы А.С. Пушкин атындағы облыстық кітапхана «Құрметпен есте сақтаймыз!» атты Жеңістің 75 жылдығына орай балалар мен жасөспірімдер арасында сайыс ұйымдастырды.

Сайысқа облыс көлемінде өте көп жұмыстар ұсынылды. Қатысушылар өздерінің шеберліктерімен, сайысқа деген белсенділігімен бізді қуантты. Қазіргі ерекше жағдайға байланысты сайысты онлайн режимде өткізуге тура келді. Енді қорытынды шығаратын кез келді.

Сайыс төмендегі номинациялар бойынша өткізілді.

1.    «Атаңды полкке жаз» (атаңның немесе басқа туысқаныңның, ауылдысыңның, көршіңнің суретін, бар болса оның жүлдесі мен міндетті түрде ҰОС қатысқаны туралы ақпарат немесе ол туралы шығармамен бірге).

2.    «Соғыс мәңгі есімізде» негізгі тақырыпқа сай суреттер мен сәндік-қолданбалы өнер туындыларынан сайыс.