Тәуелсіздік тұғырлы тірегім

9 қараша күні, кітапхананың мәжіліс залында қоғам қызметкерлері арасында Қазақстан Республикасы тәуелсіздігінің 25 жылдық мерейтойына арналған «Тәуелсіздік тұғырлы тірегім» атты жыр сайысы өтті. Сайыс біздің кітапхана қызметкерлерінің қолдауымен «Азаматтарға арналған үкімет» коммерциялық емес Акционерлік Қоғамының ұйымдастыруымен өткізілді.

Сайыстың мақсаты: өлең сөзінің құдіретін түсіну, мәнін түсіну.
Сайыс критерилері:
- Өлең көлемі, шумақ саны;
- Ерекшелігі;
- Ұйқас таңдауы, буын, тармақ санының сәйкес келуі;
- Мазмұны және өлең құрылысы.

Сайысқа «Азаматтарға арналған үкімет» коммерциялық емес АҚ-ынан 32 маман қатысты. Әділқазылар алқасының шешімі бойынша төмендегі қатысушылар жыр шумақтары үшін марапатталды.Арын Дауренов (Исебаев Бактигул) «Тәуелсіздік тәтті үмітім едің сен...», Алтай Аяужан «Тәуелсіздік ақ –таңым», Майер Марина (Садықова Жаннұр) «С Днем независимости, Родина моя!», Нұрахметов Еркебұулан (Кенжеканов Мирас) «Тәуелсіздікке арнау», Құрақбаева Анар (Сапанова Мархабат) «Я же никогда не видела войны», Сәбитова Анеля (Летова Анастасия) «Тысячелетия наш народ шел сквозь преграды и невзгоды».Сайыс ұймдастырушыларының айтуынша бұл республикалық акция, әр облыстарда өткізілген сайыс қорытындысы бойынша үздік деп анылған өлең шумақтары топтастырылып, жас таланттар жинағына енеді.

• < Артқа
• Алға >