VOX ACAPELLA тобы кітапханада

13 қыркүйек күні кітапханаға астанамыз Нұр-сұлтан қаласынан еліміздегі өнер әлемін тың бағытымен таңқалдырған отандық Vox Acapella тобы тобы  өскемендіктермен кездесті.

Акапелла тыңдарманға таңсықтау жанр болса да, өнерлі жастар өз аудиториясын қалыптастырып, елдің ыстық ықыласын жаулап үлгерген болатын.
Нұр-Сұлтан қаласының талантты әншілер тобы кездесуге келген қонақтармен  ашық жарқын әңгімелесіп, қойылған сауалдарға жауап беріп, өздерінің өнерлерін ортаға салды.

Олардың әндерін тыңдағанда, кереметтігі сонша, бейне бір оркестрмен орындап тұрғандай әсер аласың. Топтың репертуары да өзінің алуан түрлілігімен ерекшеленеді. Ол – эстрадалық және халық әндері, белгілі қазақстандық және шетелдік орындаушылардың танымал хиттерінің кавер нұсқалары. Vox Acapella тобының барлық солистерінің музыкалық білімі бар.  Олардың әнін тыңдаған кездесу қонақтары, ерекше әсер алды.Төрт жігіт пен қос арудан құралған топта құралған бұл топтың бір мүшесі, өзіміздің жерлесіміз, өскемендік – Амалият Ақерке.
VOX ACAPELLA тобы «Жаңа толқын» (Мәскеу қ.), ЕМА жүлдесі, «Шасливи Долони» (Киев), «Ашык Вейсель» (Түркия) сияқты көптеген халықаралық байқаулар мен фестивальдарға қатысып, Қазақстан жастарының музыкалық мәдениетін лайықты түрде көрсетті.

Байланысшы: Жансая Ашкенова
Байланыс тел.: 26-43-33 (119)

• < Артқа
• Алға >