Біз-кедергісіз кітапханамыз!

"Өскемен қаласының 2020 жылғы ең үздік қолжетімді нысаны" байқауының қорытындысы бойынша біздің кітапхана жеңімпаз дипломын алды.

А.С. Пушкин атындағы Шығыс Қазақстан облыстық кітапханасы 2013 жылдан бастап "Кедергісіз кітапхана"жобасын жүзеге асыруда. Жоба мүгедектер мен қарттардың әртүрлі топтары үшін әлеуметтік-мәдени ақпараттың қолжетімділігін қамтамасыз етуді, мүгедектерді әлеуметтендіру және білім беру тетіктерін жетілдіруді, бос уақытын ұйымдастыруды, мүгедектер мен қарттарға қоғамның оң-мүдделі қатынасын қалыптастыруды көздейді.
Осы жоба аясында кітапхананың веб-порталында дыбыстық экскурсиясы бар арнайы бет жұмыс істейді. Кітапханада мүмкіндігі шектеулі адамдар үшін барлық жағдайлар жасалған.
"Біз бұл марапатты өте мақтан тұтамыз және ол бізді қолжетімді орта құру және ерекше адамдарды әлеуметтендіру бойынша қызметтегі жаңа жетістіктерге шабыттандырады, - дейді кітапхана директоры Бибігүл Шағиева. Біз алдағы уақытта да әлемдік тәжірибені зерделеп, ерекше адамдарға көмектесу үшін, осы саладағы заманауи технологияларды кітапхана практикасына бейімдеп, енгізетін боламыз".

Байланысшы: Ашкенова Жансая; Тел.: 261-333, ішкі.119

• < Артқа
• Алға >