Президенттік оқулар «Елбасымен сырласу»

26 қараша күні сағат 15.00.  кітапханада президентіміз Н.Ә. Назарбаев пен жастардың сұхбаты өтеді. Президентпен сұхбат оның кітаптары арқылы өрбиді. Бұл формат президент қаламынан туындаған кітаптарға жастардың назарын аудару, тек оқып қана қоймай, Елбасының елімізді дамытуға бағытталған саясатын түсініп, ұғыну мақсатында таңдап алынды.

Ел үшін аса маңызды шешімдер қабылдағанда президентіміз не жайында ойлайды? Ел басқарған адамның жауапкершілігінің өлшемі қандай? Көшбасшылық қасиеттер қалай қалыптасады?
Бұл сұхбат жас қатысушылар үшін өз болашағы жайлы толғаныстың бастамасы болмақ. Арманыңа жету үшін қазірдің өзінде не істеуге болады? Президенттің айтуынша «кәсібилігі үшін құрметке лайық болатын білімді әрі кәсіби адам болу керек». Кәсіби мамандар бәсекеге қабілетті ұлтты қалыптастырады, ал бұл – біздің Елбасымыз алдына қойған асқар белестер. Осылайша, жеке адамның болашағы еліміздің жалпы болашағынан көрініс табады.
Президенттік оқуларға ақпараттық қолдау ретінде «Бұл біздің Президент» атты кітап көрмесі ұсынылады. Көрмеден президентіміздің көреген саясаткер, тәжірибелі стратег әрі бітімгер ретіндегі образын қалыптастыратын Елбасының қаламынан туындаған барлық кітаптар мен оның жеке құжаттарының көшірмелерін табамыз.
Президенттік оқулардың өзіндік ерекшелігі – Елбасының облысымызға жасаған ресми сапарларынан сыр шертетін «Ел президенті Шығыс Қазақстанда» фотокөрмесі.
Президенттік оқуларға студенттер, оқушылар, әскери қызметкерлер, жастар бірлестіктерінің өкілдері қатысады. Елбасының кітаптары және баяндамалары арқылы болған сұхбат елімізде қуатты қоғам мен мемлекет құратын жастардың жүрегінде терең із қалтырады деп үміттенеміз.

Байланыс: Алханова Р.А., тел. 261333, ішкі 119

• < Артқа
• Алға >