Сайысқа №1,№2 Теректі орта мектебінің оқушылары қатысты.Тұңғыш Президент күні аясындағы мерекелік шарада  «Елбасы және қазақ мемлекеттігі» тақырыпта кітап көрмесі ұйымдастырылды. Көрмеде Елбасы Нұрсұлтан Назарбаевтың өмірі мен шығармашылығы, авторлық кітаптар көптомдығы, өзекжарды ойлары, қанатты сөздері мен өзекті пікір-пайымдары ұсынылған. Көрме туралы баяндаған әсерлі әңгімеден кейін сөз алған дене шынықтыру пәнінің мұғалімдері  Қойлыбай Бақытгуль, Құмарбеков Сымбат,Чокатаева Тамиза  елін сүйген, елі сүйген көшбасшының көреген саясаты мен еліміздің жұлдызды жетістіктері туралы кеңінен сөз етті.Сайыс барысында Қазақстан Республикасы Президентінің ресми  порталындағы Президенттің  дербес парақшасынан материалдар көрсетіліп, сүйіп тыңдайтын  «Жұлдызым», «Көзімнің қарасы», «Беу- айдай», «Сәулем-ай» секілді әндер шырқалып, «Шұбарат», «Жерім менің», «Үшқөңыр», «Елім менің» атты авторлық әндері тыңдалды.

 Жарыс сонында алға озып шыққан оқушыларды Теректі ауылдық округінің грамоталарымен марапаттады.

 Шараны қорытындылаған кітапханашы Ақсартова Г.А.«Тұңғыш Президент күнін атап өту арқылы біз жас ұрпақты патриоттыққа, отансүйгіштікке тәрбиелеп, елін сүйіп, адал азамат болуға үйретеміз. Елбасы әр сөзінде берекелі бірлігімізді, дархан достығымызды берік сақтауға үндеп келеді. Бүгінгі қол жеткізген әр жетістігімізде Елбасының айшықты қолтаңбасы бар, бұл - ел тарихына алтын әріптермен жазылған еншіміз» - деді.