...Сарғайса да тарихтың ақ парағы,

Ол күндер мәңгі есте сақталады!

 

5-Мамыр  күні Теректі ауылдық кітапханасында  «Ол күндердің өшпес Даңқы» атты  Ұлы Отан Соғысы жылдарында тылда еңбек еткен еңбек ардагері   Башабаева Бағила Шериязданқызымен кездесу кеші өтті.Кеш мақсаты: жас ұрпақтың бойында Отанға деген сүйспеншілік,патриоттық сезімді,ұлттық рухты жандандыру, Отан үшін от кешкен,ел рухын көтерген ерлеріміздің  есімдерін  мәңгілік сақтау.

Башабаева Бағила апа-Тыл ардагері, жолдасы-Башабаев Сіләм- Ұлы Отан Соғысының ардагері.Бүгінгі таңда   Бағила апа көптеген марапаттарға ие,3 бала тәрбиелеген, немере, шөбере сүйіп отырған ардақты әже.Кездесу   кешіне   №1  Теректі  орта мектебінің   7 сынып оқушылары, жетекшісі- Жумекенова А.М.  қатысты.Кездесу кешінде  «Бәрі де майдан үшін,бәрі де Жеңіс үшін»атты кітап көрмесі үйымдастырылды,   «Марқакөлден аттанған соғыс ардагерлері» атты слайд, «Мәншүк туралы дастан»,  "Қазақстандықтар Ұлы Отан Соғысында" атты бейнероликтер   көрсетілді.

Мерекелік шара барысында  жеткіншек оқырмандарға   ардагер апа- зұлмат жылдар жайлы, сол ұмытылмас  уақыттағы балалық шағы, тыл еңбеккерлерінің   жан қиярлық еңбегін айта келіп, осындай еңбектер арқылы Ұлы Жеңістің  жақындауына қосқан үлестері қалай болғанын  жатық тілмен әңгімелеп берді.Кездесу  өте тартымды , қонақжайлылықпен өтті.

Жасөспірім жеткіншектер өз кезектерінде қонақ апаға өздерін қызықтырған сұрақтарды  қойып, қанағаттанарлық жауап алды. Апаның айтуынша өзі «оқыған бастауыш сынып  мектебі   кітапханаға көрші  ағаш үй» екендігін айтқанда  қаншама уақыт сақталған мекемеге   оқушылар таң қалды.Шара соңында кітапхана қізметкерлері Бағила апаға сый-құрмет көрсетті,оқушылар ардагер апамен ескерткішке суретке түсті.Сұрапыл соғысты көріп күйзелмеген,аштық қиындығын көрген,түңілмеген,жасты көрсе жадыраған,еліне бақ-дәулет тілеуден жаңылмаған,өмірі өрнек,әңгімесі тарих-осындай қарияларға шын жүректен амандық тілейміз.