Ана тілім- жүрек үнім

Сәуірдің  29-да Теректі ауылдық  онлайн орталығының  ұйымдастыруымен    «Ана тілім- жүрек үнім» атты жергілікті  мекеме қызметкерлері арасында  зияткерлік сайыс өткізілді. Іс-шара Қазақстан Республикасы Тәуелсіздігінің 25 жылдығы аясында ұйымдастырылды.

Cайыс шарттары алдын ала әр мекемеге электронды почта арқылы жіберілді.Төрткүл әлемде танылған қазақ тілі, ұлт ұлылары  талғап, тамсанып , нәрін татып кеткен тіл- тұғырымызды, дәстүрімізді дәріптейтін сайыс   бүгінде талғам, талабы жоғары оқырман көңілінен шыға білді деген сенімдеміз. Зияткерлік сайыс кезінде өздерін мәдениеттілігімен, ізденімпаз, білімділігімен көзге түскен -ұтымды жауап, ұшқыр ой иелері-№1 мектеп мұғалімдері- Молдабеков Ж.Қ.,Нуркен К.,балабақша қызметкерлері-Қожамқулова  А.,Секенева Б.,әкімшіліктен-Стаканова Ұ.,Каримова Ж.,әлеуметтік бөлімнен-Сайлаубекова С.,мәдениет үйінен-Қалиакперов С.,Шешенгүл Нұргүл ерекшеленді. Зияткерлік сайысты жүргізген кітапханашы Башабаева С.Р.  залда отырған көрермендерге  ұлт даналығы- мақал- мәтелден ойын –сұрақ ұйымдастырып, оқырман қызығушылығын арттырды. Шара барысында қатысушылар назарына А.С.Пушкин атындағы Шығыс Қазақстан облыстық кітапхана сайтындағы  Қазақстан Республикасы Тәуелсіздігінің 25 жылдығына орай  ұйымдастырылған   «Егеменді елдің кемел тұлғалары » атты виртуалды кітап көрмесі ұсынылды. Кітапхана мамандары  «Ұлы тұлғалар», «Ұлт мақтаныштары» атты бөлімдерінде ұсынылған жеке тұлғаларға қысқаша тоқталып  өтті.  Музыкалық үзіліс сыйлаған мәдениет үйінің  әншілері- Амирбаев Е.,Жумажанова А., Кайрамбекова Г. көпшілік көңілінен шыға біліп,көрермендер қошемет арқылы өз ризашылықтарын білдірді. Ауқымды шара  соңында  әділ қазыларға сөз беріліп, балабақша меңгерушісі-Тіленбаева Б.К., әкімшілік   қызметкері-Қрықпаева Қ.К. қорытынды сөз сөйлеп , сайысқа қатысушы  топтарға  мақтау қағаздарын,сыйлықтар  тапсырды. Мерекелік шара өте тартымды өтті.

• < Артқа
• Алға >