Әлихан Бөкейханов – Алаш қозғалысының көсемі

21  - сәуір  күні  Зайсан   аудандық   кітапханада  Әлихан  Бөкейхановқа    арналған   «Алаш  қайраткері»  атты   ауызша  журнал   өтті.

Ауызша  журналды   кітапханашы   Қ. Сағымжанова   жүргізді.Журналдың бірінші беті    «Алаш  арысы»  деп  аталып,қайраткердің өмір жолын    кітапханашы   Қ. Айтмуханбетова   айтып  өтті. Жалпы  Әлихан  Бөкейхановқа   арналған  бұл  шараға   М.Әуезов  атындағы  орта  мектептің  10-сынып  оқушылары, тарих  пәнінің  мұғалімі   Анар  Рахметжанова, көп  жылдар   мектепте  ұстаздық   еткен  зейнеткер   ұстаз   Бәтіш  апай  Айтмұқашева   қатысты.   Қазақстан  Журналистер   Одағының   мүшесі, Зайсан  ауданының   Құрметті  азаматы,бірнеше    кітаптың  авторы, жақында    ғана   «Толғаймын  өмір,заманды»   атты   кітабы    жарыққа  шыққан     Бекен   Жапаров    ағамыз    алаш   ардақтысы   туралы   әңгімеледі   Ұлт көсемінің  қайраткерлігі  жайында  «Ұлы  тұлға»  атты  журналдың  2-ші  бетін   Әуезов  мектебінің  тарих  пәнінің мұғалімі  Рахметжанова Анар  баяндап берді.    «Азаттықтың  таңын аңсаған  алаш арысы» атты журналдың 3-ші беті әдебиеттерге шолу жасаған  Қарлығаш  Сағымжанова   былай  деп  айтып  өтті: Біздің  аудандық  кітапхана қорында  Алаш  қозғалысы, Алаш  қайраткерлері  жайында  жазылған көптеген кітаптар бар. Солардың  бірі, бүгін  аталып  отырған   қазақтың  көрнекті мемлекет  және  қоғам  қайраткері , энциклопедист, ғалым  әрі  публицист  Әлихан Бөкейхановтың  тұңғыш   шығармаларының  толық  жинағы  1889-1937 жылдар аралығында мерзімді  басылымдарда, ғылыми  журналдар мен  жинақтарда жарық  көрген ғылыми  монографияларымен  ғылыми зерттеулерін, саяси  публицистикалық  әдеби  сын  мақалалары мен аудармалары  және  жеке хаттарын  қамтиды.Сондай-ақ  Қайрат Сақтың «Алаш мұрасы», Айгүл Ісімақова «Тәуелсіздік және Алаш ғылымы» ,Кеңес Нұрпейісұлы «Алаш ақиқаты» ,  Марат Әбдешев     «Алаш Орда»министрлеріжәне тағы басқа көптеген кітаптар мен газет материалдары  топтастырылған. «Бөкейханов-тәуелсіздік жаршысы» атты 4-ші бетін кітапханашы Сағымжанова қорытындылап, 10сынып оқушылары атынан Қуанбек Бағжан  алаш қайраткері жайлы көп мәлімет алғанын, бейнеролик пен слайдтың да өте әсерлі болғанын және осы кештің өтуіне ұйтқы болып, ұйымдастырған аудандық кітапхана қызметкерлеріне, келген қонақтарға алғысын білдірді.

• < Артқа
• Алға >