Кітапханамен танысу

Баланы тәрбиелеу үздіксіз процесс, ол оның бос уақытында да жүзеге асырылады. Баланың өмірінде  бос уақыттың  рөлі өте ерекше. Ол тек  демалу, тынығу үшін емес, рухани қажетін өтеуге, ойлау қабілетінің жетілуіне, жалпы жан - жақты болуына арналады. Дұрыс тиімді ұйымдастырылған бос уақыт - олардың рухани өмірін, көзқарасын толықтырылуын қамтамасыз етеді. Осындай мақсатпен  21 қазан күні кітапханамызға қаламыздағы Ахмет Байтұрсынов атындағы № 20 мектептің оқушылары келіп кітапханамен танысып қайтты.  Қонақтар кітапхананың барлық  залдарымен танысты.

Жылжымалы кітапхана

«Жылжымалы кітапхана» үрдісі өз жалғасын табуда. Тамыз айында біздің кітапхана «Алтай» қайырымдылық қоры ұйымдастырып отырған ұл балалар тәрбиеленетін пансионатқа 150 данадан аса кітаптарды апарған еді.  Бүгін осы пансионатқа тағы 87 дана кітапты апарып, пансионатта тәрбиеленуші балалармен кітапханашы Жахып Нұрсәуле алдыңғы оқыған кітаптары жайлы әңгіме өткізді. Бізді бір қуантқаны пансионат ішінде бір бөлмені кітапханаға арнағандығы, осы кітапхананың төрінен біздің кітаптардың орын алғандығы.

Уехать, чтобы учиться: образование в США

Халықаралық конференция "XXI ғасыр кітапханалары: Кітаппен болашаққа кітаппен "

Бүгін Алматы қаласында "XXI ғасыр кітапханалары. Кітаппен болашаққа" Халықаралық кітапханашылар конференциясы өз жұмысын бастады. Конференцияға елімізден 11 аймақтан қалалық, аудандық мемлекеттік кітапхана мамандары, мектеп кітапханашылары, баспагерлер, мұражай қызметкерлері қатысады. Оның ішінде біздің кітапхана мамандары да бар.

Онлайн-тілдесуге көшеміз!

«Өрлеу» біліктілікті арттыру институтымен ынтымақтастығымыз жалғасуда. Жаңа оқу маусымы басталып, кітапхандаа облыстың түкпір-түкпірінен келген мұғалімдерге арналған ақпараттық семинарлар да басталды. Осы жолы «Қосымша білім беру жағдайында оқушылардың шығармашылық қабілеттерін дамыту» курсына келген ұстаздарды кітапханада қарсы алдық.