«Елінің ер тұлғасы»: онлайн еске алу кеші

29 қазан 15.00-де Jitsi Meet интернет-платформасында және Facebook желісінде А.С.Пушкин атындағы кітапхананың парақшасында @pushkinlibrary Марқа өңірінің тумасы, КСРО Халық мұғалімі, Құмаш Нұрғалиұлы Нұрғалиевтің туғанына 95 жыл (1925-1988) толуына орай онлайн еске алу кеші өтеді.
Қатысушылар: «Педагогтар династиясы» (Нұрғалиевтар отбасы): педагогика ғылымдарының докторы, профессор, академик КазНАЕН, МАИН, АПНК, қашықтан оқытуға арналған электронды оқулықтарды жасау технологиясының авторы - Гүл Құмашқызы, Қ.Нұрғалиев атындағы колледждің директоры, педагогикалық ғылымдардың кандидаты Марат Құмашұлы, Абай атындағы Шығыс Қазақстан гуманитарлық колледждің директоры Құрманов Фархат Сақанұлымен және де Құмаш Нұрғалиевтың көзін көрген ұстаздар, шәкірттері, жерлестері.
Құмаш Нұрғалиев – КСРО халық мұғалімі, педагогтар әулетінің негізін салушы, Елбасының «Книги профессиональных династий Республики Казахстан» атты кітабының бірінші бетіне енгізілген. Өмірге деген құштарлықтың керемет үлгісін көрсеткен аңыз-адам аға ұрпақ өкілдерінің есінде.

Онлайн кездесуде Ұлы Абайдың «Қайғы келсе, қарсы тұр, құлай көрме» қағидатын өз ғұмырының бағдарламасы санаған, тағдыр тәлкегіне қасарыса қарсы тұрып, өмірден өз орнын тапқан, асыл ұстаз Құмаш Нұрғалиұлы туралы салиқалы ой қозғалады. Жиналғандар абзал ағаның артына қалдырған өшпес ізі, өмірге деген құштарлығы, ұмытылмас өнегесі туралы естеліктерімен бөліседі.

Елімізге танымал ұстаздар династиясы атанған Халық мұғалімі Қ. Нұрғалиевтің әке ісін жалғастырушы балаларымен танысып, лебіздерін тыңдай аласыздар. Өмірге деген шексіз құштарлықтың, қайсарлық пен батылдықтың символы Құмаш Нұрғалиұлының өмірінің жас ұрпаққа берері көп.

                                                                                                               Байланысшы: Кемешева М. , тел.87052819343

Рухы мықты, нәзік жандар

8 Наурыз көктемгі әйелдер мерекесі қарсаңында, А.С. Пушкин атындағы Шығыс Қазақстан облыстық кітапханасы "Мүмкіндігі шектеулі адам" анықтамасы олар туралы емес екенін өз өмірлерімен, еңбектерімен, шығармашылығымен дәлелдеп жүрген әйелдермен 3 наурыз күні онлайн-кездесу өтті.

Тіл- келісім мен достықтың негізі

«Тілден биік асқар жоқ,
Тілден асқан байлық жоқ,
Тілден терең теңіз жоқ»
( Ғ.Мүсірепов)

5 қыркүйек – Қазақстан халқы тілдері күні. Осы атаулы мерекеге орай А.С. Пушкин атындағы Шығыс Қазақстан облыстық кітапханасында «Тіл – келісім мен достықтың негізі» атты кітап көрмесі ұйымдастырылды.

«Қылқаламдағы көктем лебі...» сурет көрмесі

18 наурыз күні А.С. Пушкин атындағы облыстық кітапхананың ұйымдастыруымен Қазақстандағы "Балалар жылы" аясында «Қылқаламдағы көктем лебі...» атты сурет көрмесі өтті.
Көктем мерекесі қарсаңында ұйымдастырылған көрмеде суретші, ҚР Суретшілер Одағының мүшесі Нұрсадықов Құдаш Дәулетханұлы жетекшілік ететін балаларға арналған «Сурет» бейнелеу өнері студиясына қатысушылардың еңбектері көпшілік назарына ұсынылды.

Біз-кедергісіз кітапханамыз!

"Өскемен қаласының 2020 жылғы ең үздік қолжетімді нысаны" байқауының қорытындысы бойынша біздің кітапхана жеңімпаз дипломын алды.

«Білім толқынында»

«Өнер, білім - бәрі де оқуменен табылған»
(Ы.Алтынсарин)

Құрметті ұстаздар! Қымбатты оқушылар, ата-аналар және барша оқырмандар! Сіздерді жарқын да қуанышты мереке – Білім күнімен құттықтаймыз! Осы айтулы мерекеге орай А.С. Пушкин атындағы Шығыс Қазақстан облыстық кітапханасы «Білім толқынында» атты кітап көрмесін ұсынады. Көрмеде мектеп оқушыларына, ата-аналар мен мұғалімдерге арналған көркем, анықтамалық, ғылыми-танымдық әдебиеттер жинақталған.