Ұлы Отан соғысы жылдарындағы Еңбек Армиясы

5 мамыр күні сағат 11.00-де А.С. Пушкин атындағы Шығыс Қазақстан облыстық кітапханасының ұйымдастыруымен жазушы-публицист, ҚР Жазушылар одағы Шығыс Қазақстан облыстық филиалының директоры, Катонқарағай ауданы мен Өскемен қаласының Құрметті азаматы Әлібек Қалиұлы Қаңтарбаев және өлкетанушы-библиограф Зиза Слямовамен онлайн кездесу өтеді.
Онлайн кездесу А.С. Пушкин атындағы кітапхананың Facebookтегі парақшасында (https://www.facebook.com/groups/pushkinlibrary.kz/) өтеді. Кездесу тақырыбы – Ұлы Отан соғысы жылдарындағы Еңбек Армиясы.

Ақын Бауыржан Қарағызұлымен онлайн сұхбат

2020 ж. 4 мамыр күні сағат 19.30-де А.С. Пушкин атындағы Шығыс Қазақстан облыстық кітапханасының ұйымдастыруымен #BizBirgemiz акциясы аясында инстаграм желісіндегі https://instagram.com/bauyrzhan_karagyzuly?igshid=12tn35p5ktncc парақшасында белгілі ақын, Қазақстан Жазушылар одағының мүшесі, Халықаралық «Шабыт» шығармашыл жастар фестивалінің екі мәрте лауреаты және гран-при жүлдесінің иегері Бауыржан Қарағызұлымен онлайн сұхбат өтеді.

«Жүректен шыққан жырлар»

1 мамыр сағ. 19.00 жас ақын Николай Мигаймен «Жүректен шыққан жырлар» атты онлайн кездесу өтеді.
Николай Мигай Өскемен қаласында дүниеге келген. Зырян ауданының Бородино орта мектебінде білім алған. Осы кезде алғашқы өлеңдерін жаза бастаған. Николай сол шағын балалық шығармаларының өзінде қоршаған әлем мен өзін ұғынуға тырысқан.

Ербол Бейілханмен тікелей эфир

30 сәуір күні сағат 20.00-де Фейсбук әлеуметтік желісіндегі https://www.facebook.com/profile.php?id=100001138869649 парақшасында ақын Ербол Бейілханмен тікелей эфир өтеді.

Ербол Бейілхан Моңғолияның Баян-Өлгей аймағының Үш Ойғыр елді мекенінде дүниеге келген. 1993-1998 жылдары Ш.Уәлиханов атындағы Көкшетау Мемлекеттік Университетінің филология факультетін тәмамдап, білімін Л.Н.Гумилев атындағы Еуразия Ұлттық университетінде жалғастырып, магистр дәрежесі алған.