«Өткен күндер елесі: партизандық сонар»

Даңқты жерлесіміз, Белоруссия жеріндегі партизандық қозғалыстың белсенді мүшесі, соғыс кезінде Борисов ауданының жасырын комсомол ұйымының бірінші хатшысы, кейін жазушы болған Тоқтағали Жангелдиннің туғанына биыл 100 жыл толмақ. Осыған орай 4 мамыр күні сағат 15.00-д кітапханада «»Отты жылдар елесі: партизандық сонар» атты мәдени шара өткізіледі.

 Тоқтағали Жанкелдин алғашқы күннен бастап –ақ майданның алғы шебінде болады. Орталық майданда артиллерия батареясының командирі, одан кейін партизан бригадасы комиссарының орынбасары және Белоруссия ЛКСМ Борисов астыртын қалалық комитетінің мүшесі ретінде аса қауіпті, ерекше күрделі, сан-сала қызмет жүргізеді. Қан майданның өзінде партизан сонарында шеру тартады... 

Кейінен жазушы болған Тоқтағали Жанкелдиннің Белорус партизандарының ерлік ісінен сыр шертетін «Партизан күнделігі», «Партизан жорықтары», «Сын сағатта» кітаптары жарық көрген.
Қазақстаннан тыс жерлерде құрылған, немесе тікелей майдандағы бөлімдерге қосылған жерлес жауынгерлер де ерлікпен соғысты. Жау тылында қоршауда қалып, партизандық күресте аты шыққан даңқты жерлестеріміздің ерлігіне куә боласыз.
Соғыс жылдары 3,5 мың қазақстандықтар партизан отрядтарында болды. Олардың ішінде бүгінде есімдері барша жұртшылыққа мәлім Қасым Қайсенов, Әди Шәріпов, Ғалым Ахмедияров секілді батыр партизандармен қатар Нұрғаным Байсейітова, Тұрғаш Жұмабаева, Жамал Ақәділова сияқты қыз – келіншектердің ерлік істері туралы тың деректер айтылады. Келем деушілерге есік ашық.

Байланыс тел.: 26-39-46 (ішкі 119)

Байланысшы.: Слямова З. М.

• < Артқа
• Алға >