Кітапханалық акция «Алғысым шексіз...!»

Көктемнің алғашқы күнінде Қазақстан халқы Алғыс айту күнін атап өтеді. Алғыс айту күні - ең алдымен, елімізде тыныштық пен үндестік, өзара сенім мен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанатты күні.
Бұл күні кітапхананың барлық бөлімдерінде алғыс сөздер айтылып, кітапхана мамандары оқырмандармен бірге «Алғысым шексіз» акциясына қатысты.

Oskemen-kitap review -2019: кітап көрме-жәрмеңкесі

Бүкілодақтық кітап және авторлық құқық күні  кітапханада Oskemen-kitap review -2019 көрме-жәрмеңкесі ашылды. Мұнда баспа, кітапсаудасы ұйымдары бір алаңға жиналып, оқырмандарды алуан кітап өнімдерімен таныстырды. Мерекенің ерекшелігі – жергілікті баспаларда жарық көрген жергілікті жазушылар мен ғалымдардың Шығыс Қазақстан туралы қалам тербеген жаңа шығармаларын оқырман қауымға таныстыру.

Абай Құнанбаевтың туғанына 174 жыл

2019 жыл 10 тамызда қазақтың ұлы ақыны, қазақ жазба әдебиетінің негізін салушы, жерлесіміз Абай Құнанбаевтың туғанына 174 жыл толады. Аталған мереке қарсаңында А.С. Пушкин атындағы Шығыс Қазақстан облыстық кітапханасы «Абай Құнанбаев – ұлтымыздың мақтанышы» атты кітап көрмесін ұйымдастырды.

Отбасылық сот

14 қарашада кітапханамызда «Отбасылық сот» пилоттық жобасы аясында «Өскемен қаласының мамандандырылған әкімшілік сотындағы Отбасылық сот» атты дөңгелек үстел ұйымдастырылды. Дөңгелек үстел жұмысына сот, прокуратура, ювеналды полиция өкілдері, "Шаңырақ", "Альтернатива", "Феникс" ҚБ, "Берегиня" отбасын қолдау орталығының медиаторлары қатысты.

Ербол Бейілханмен тікелей эфир

30 сәуір күні сағат 20.00-де Фейсбук әлеуметтік желісіндегі https://www.facebook.com/profile.php?id=100001138869649 парақшасында ақын Ербол Бейілханмен тікелей эфир өтеді.

Ербол Бейілхан Моңғолияның Баян-Өлгей аймағының Үш Ойғыр елді мекенінде дүниеге келген. 1993-1998 жылдары Ш.Уәлиханов атындағы Көкшетау Мемлекеттік Университетінің филология факультетін тәмамдап, білімін Л.Н.Гумилев атындағы Еуразия Ұлттық университетінде жалғастырып, магистр дәрежесі алған.

«Абай генеалогиясы: өмірі, қызметі және трагедиясы» еске алу лекциясы

22 маусым күні А.С. Пушкин атындағы кітапхананың ұйымдастыруымен Л.Н. Гумилев атындағы Еуразия ұлттық университетінің PhD докторанты, әдебиеттанушы Заңғар Кәрімханмен @Заңғар Кәрімхан Фейсбук парақшасында онлайн-еске алу лекциясы өтті.